கிறிஸ்டோபர் நோலனின் காவியத் தழுவலான ' தி ஒடிஸி' (2026), யுனிவர்சல் பிக்சர்ஸ் நிறுவனத்தால் விநியோகிக்கப்பட்டு, ஜூலை 17, 2026 அன்று உலகெங்கிலும் உள்ள திரையரங்குகளில் வெளியாகிறது. இந்த புராண அதிரடித் திரைப்படத்தில் ஒடிஸியஸாக மாட் டேமன் நடிக்கிறார், மேலும் டாம் ஹாலண்ட், ஆன் ஹேத்வே, ஜெண்டாயா மற்றும் ராபர்ட் பேட்டின்சன் உள்ளிட்ட பல நட்சத்திரங்களும் இதில் இடம்பெற்றுள்ளனர்.இத்திரைப்படம், ஹோமரின் அடிப்படையான பண்டைய கிரேக்க இதிகாசத்தைத் தழுவி எடுக்கப்பட்டுள்ளது. இது, டிராய் வீழ்ச்சிக்குப் பிறகு ஒடிசியஸ் இத்தாக்காவிற்கு மேற்கொள்ளும் அபாயகரமான பத்தாண்டு காலப் பயணத்தை விவரிக்கிறது.
பிரம்மாண்டமான போர்களையும் புராணகால அரக்கர்களையும் வெள்ளித்திரைக்குக் கொண்டுவர, புதிய IMAX® திரைப்படத் தொழில்நுட்பத்தைப் பயன்படுத்தி உலகளவில் படமாக்கப்பட்டது.
லண்டனில் உள்ள எம்பயர் லெய்செஸ்டர் ஸ்கொயர் போன்ற அரங்குகளில் பிரத்தியோக சிறப்பு காட்சிகள் திரையிடல்களுக்குப் பிறகு, இப்படம் பெரும் பாராட்டுக்களைப் பெற்றுள்ளது. இதன் பிரம்மாண்டமான வீச்சு, படத்தொகுப்பாளர் ஜெனிஃபர் லேம் கையாண்ட கதை நகர்வு வேகம், மற்றும் செவ்வியல் புராணக்கதைகளை யதார்த்தமாகவும் தத்ரூபமாகவும் கையாண்ட விதம் திரையில் காண்பவரை வெகுவாக ரசிக்க வைத்துள்ளது.
'தி ஒடிஸி' என்பது தன் சொந்த ஊருக்குத் திரும்ப முயலும் ஒரு போர் வீரனின் கதையாகும். ட்ரோஜன் போரில் வெற்றி பெற்ற பிறகு, தனது சொந்த ஊரான இதாகாவிற்குத் திரும்பத் துடிக்கும் ஒடிஸி (மேட் டாமன்), தனது கப்பற்படையுடன் பயணத்தைத் தொடங்குகிறார்; ஆனால், அப்பயணம் அவர் எதிர்பார்த்ததை விட மிகவும் ஆபத்தானதாக அமைகிறது. ஏறக்குறைய 20 ஆண்டுகள் கடந்துவிடுகின்றன. ஒடிஸி இறந்துவிட்டதாகக் கருதி, ஆண்டினோஸ் (ராபர்ட் பாட்டின்சன்) தலைமையிலான 108 பேர் கொண்ட அடாவடித்தனமான மற்றும் பேராசை பிடித்த கும்பல் ஒன்று அரச அரண்மனையைக் கைப்பற்றிக் கொள்கிறது.
அவர்கள் நாட்டின் வளங்களைச் சூறையாடுவதோடு, ஒடிஸியின் மனைவி பெனிலோப்பை (ஆன் ஹாத்வே) வேறொருவரைத் திருமணம் செய்துகொள்ளுமாறு தீவிரமாக வற்புறுத்துகிறார்கள். ஒடிஸி மற்றும் பெனிலோப்பின் மகனான டெலிமாக்கஸ் (டாம் ஹாலண்ட்), இந்தச் சூழலால் மிகுந்த மன உளைச்சலுக்கு ஆளாகிறான்.
தன் தந்தையைக் கண்டுபிடித்து உண்மையை அறிய அவன் உறுதியுடன் ஒரு பயணத்தை மேற்கொள்கிறான். டெலிமாக்கஸின் பயணத்தின் நோக்கம் அந்தத் துரோகக் கும்பலுக்குத் தெரியக்கூடாது என்பதால், இது மிகுந்த ஆபத்து நிறைந்ததாக அமைகிறது. மேலும், ஒடிஸி உயிருடன் இருக்கிறாரா இல்லையா என்பதற்கும் எந்த உத்தரவாதமும் இல்லை. அதன்பிறகு என்ன நடக்கிறது என்பதே தி ஒடிஸி திரைப்படத்தின் மீதிக் கதை.
