பிரபல எழுத்தாளர் ராஜேஷ் குமாரின் க்ரைம் நாவலை மையப்படுத்தி எடுக்கப்பட்டிருக்கும் ‘ரேகை’ வெப் சீரிஸ் ஜீ5 ஓடிடி தளத்தில் வெளியாகியிருக்கிறது.
குற்றாலம் பகுதியில் காவல் அதிகாரியாக பணியாற்றும் வெற்றி (பாலஹாசன்). குற்றாலம் பகுதியில் உள்ள விடுதியில் மர்மமான முறையில் ஒரு இளைஞர் இறந்து கிடக்கிறார். இவர் வெற்றியின் உதவியுடன் மேற்படிப்பு மேற்கொண்டு வருகிறார் இவர் குடும்பப் பின்னணி ஏழ்மையில் உள்ளதால் வெற்றி உதவுகிறார்.
அந்த இளைஞரின் மரணத்திற்கான காரணத்தைத் தேட தீவிரம் காட்டும் வெற்றி, மர்மமான விஷயங்களுக்குப் பின்னாலிருக்கும் மர்மங்களை ஒவ்வொன்றாக கண்டுபிடிக்கிறார் வெற்றி.விடுதியிலிருந்த அந்த இளைஞர் கொலை செய்யப்பட்டிருக்கிறார் என்பதையும் கண்டுபிடிக்கிறார்.
இறந்துபோன இளைஞரின் கைரேகையுடன், அதே சமயத்தில் இறந்துபோன வேறு மூவரின் கைரேகையும் ஒத்துப்போகிறது.தேடி பார்க்கும்போது, கிடைக்குற ஒற்றை தடயம் “ரேகை” நால்வருக்கும் ஒரே மாதிரியே இருக்கிறது. எப்படி நாலு பேருக்கும் ஒரே மாதிரி ரேகை வரும்? இதில்தான் மர்மம் ஆரம்பம்.
இந்த நால்வருக்கும் என்ன தொடர்பு, இந்த நால்வரையும் கொலை செய்தது யார், எதற்காக கொலை செய்தார்கள் என்பதை ஆறு எபிசோடுகளில் ராஜேஷ் குமாரின் நாவலைத் தழுவிய மெடிக்கல் த்ரில்லர்; இந்த ரேகை வெப் சீரிஸ் ஜீ5 ஓடிடி தளத்தில் வெளியாகி உள்ளது.