அரேபிய மண்ணில் தமிழர்களின் சாதனை சரித்திரம்!

Sikaram 2026 விழாவில் MLA லீமா ரோஸ் வெளியிட்ட “Top 100 Tamil Leaders in Arabia”**

துபாய்: உலகின் பல்வேறு துறைகளில் தமிழர்கள் தங்களின் திறமையாலும் உழைப்பாலும் தனி முத்திரை பதித்து வரும் நிலையில், அரேபிய நாடுகளில் தொழில், வணிகம் மற்றும் தலைமைத்துவத்தில் சாதனை படைத்த தமிழர்களின் வெற்றிப் பயணத்தை பதிவு செய்யும் “Top 100 Tamil Leaders in Arabia – Edition 1” சிறப்பு நூல், துபாயில் பிரமாண்டமாக நடைபெற்ற Sikaram 2026 நிகழ்வில் வெளியிடப்பட்டது.

லால்குடி தொகுதி சட்டமன்ற உறுப்பினர் மாண்புமிகு லீமா ரோஸ் அவர்கள் இந்த பெருமைக்குரிய நூலை அதிகாரப்பூர்வமாக வெளியிட்டார். WIT அமைப்பின் ஏற்பாட்டாளர் Merlin முன்னிலையில் நடைபெற்ற இந்த நிகழ்வில், Vijayan Ayyappan நூலின் முதல் பிரதியை MLA லீமா ரோஸ் அவர்களிடம் வழங்கினார்.

அரேபிய நாடுகளில் தமிழர்கள் உருவாக்கியுள்ள தொழில் வெற்றிகளையும், அவர்களின் கடின உழைப்பு, விடாமுயற்சி மற்றும் தலைமைத்துவத்தையும் அங்கீகரிக்கும் வகையில் உருவாக்கப்பட்டுள்ள இந்த நூல், வெறும் சாதனையாளர்களின் பட்டியல் மட்டுமல்லாமல், அடுத்த தலைமுறைக்கு வழிகாட்டும் ஒரு உத்வேகப் பதிவாகவும் அமைந்துள்ளது.

இந்த சிறப்புப் பதிப்பின் முதல் பிரதிகளை PSM Investment Group Chairman Habibullah, TVS Group-ன் Mr. Haider, Complyance நிறுவனத்தின் Kalaiarasan, Power Group Chairman Jahir Hussain மற்றும் Lynx International-ன் Saravan Krishnamurthy உள்ளிட்ட முக்கிய பிரமுகர்கள் பெற்றுக்கொண்டனர்.

இந்த முயற்சி குறித்து WIT அமைப்பின் ஏற்பாட்டாளர் Merlin கூறுகையில்,

“இது வெறும் 100 தலைவர்களை அறிமுகப்படுத்தும் முயற்சி அல்ல. அரேபிய மண்ணில் தமிழர்கள் எழுதியுள்ள வெற்றிக் கதைகளை உலகிற்கு கொண்டு செல்லும் ஒரு வரலாற்றுப் பதிவு. இன்று சாதித்தவர்களை கௌரவிப்பதோடு, நாளை சாதிக்கப் போகும் இளைஞர்களுக்கு அவர்களின் பயணம் ஒரு நம்பிக்கையாகவும் உத்வேகமாகவும் அமைய வேண்டும் என்பதே எங்கள் நோக்கம்,” என்றார்.

“100 Leaders. 100 Journeys. One Tamil Legacy.” என்ற சக்திவாய்ந்த கருத்தை மையமாகக் கொண்டு உருவாக்கப்பட்டுள்ள இந்த முயற்சி, அரேபிய நாடுகளில் வாழும் தமிழர்களை இணைக்கும் ஒரு வலுவான Business & Leadership Networking Platform ஆகவும் உருவெடுக்க உள்ளது.

“Top 100 Tamil Leaders in Arabia” என்பது ஒரு புத்தகம் மட்டுமல்ல; எல்லைகளை கடந்து தமிழர்கள் உருவாக்கியுள்ள வெற்றியின் அடையாளம். இது முதல் பதிப்பு மட்டுமே… அரேபிய மண்ணில் இன்னும் பல தமிழர்களின் சாதனைப் பயணங்கள் அடுத்தடுத்த பதிப்புகளில் உலகிற்கு அறிமுகமாக உள்ளன.