புதியமினி கூப்பர் எஸ் ஜிபி இன்ஸ்பயர்ட் எடிஷன் இந்தியாவில் அறிமுகம்இதுவரை வெளிவந்ததிலேயே மிகவும் வேகமான, சக்திவாய்ந்த மற்றும் ஈடு இணையற்ற ‘மினி ஜிபி’ (MINI GP) காரால் ஈர்க்கப்பட்டு இது உருவாக்கப்பட்டுள்ளது.இந்த சிறப்புப் பதிப்பு 30 கார்கள் என்ற எண்ணிக்கையில் மட்டுமே விற்பனைக்கு கிடைக்கும்.பிரத்யேகமான லெஜண்ட் கிரே வெளிப்புற நிறத்தில், கண்கவர் சில்லி ரெட் வண்ண வேலைப்பாடுகளுடன் இந்த கார் வெளிவருகிறது.சென்னை: புதிய மினி கூப்பர் எஸ் ஜிபி இன்ஸ்பயர்ட் எடிஷன் இன்று இந்தியாவில் அறிமுகப்படுத்தப்பட்டது. சூரத்தில் புதிதாகத் திறக்கப்பட்டுள்ள ‘மினி எமினன்ட் கார்ஸ்’ என்ற மினி டீலர்ஷிப்பில் இந்த சிறப்புப் பதிப்பு மினி காரின் அறிமுக விழா நடைபெற்றது.பிஎம்டபிள்யூ (BMW) குரூப் இந்தியாவின் தலைவர் மற்றும் சிஇஓ திரு. ஹர்தீப் சிங் பிரார் கூறுகையில், “இந்தியாவில் மினி கூப்பர் எஸ் ஜிபி இன்ஸ்பயர்ட் எடிஷனின் அறிமுகமானது, மினி ஜிபி-யின் பந்தயப் பாரம்பரியத்தைக் கொண்டாடும் விதமாக அமைந்துள்ளது. இதுவரை வெளிவந்தவற்றிலேயே மிகச் சிறந்த மினியின் வடிவமைப்பைக் கொண்டுவருவதன் மூலம், வாகனத் துறை வரலாற்றில் ஒரு உன்னதப் படைப்பைச் சொந்தமாக்கிக் கொள்ளும் அரிய வாய்ப்பை எங்கள் வாடிக்கையாளர்களுக்கு வழங்குகிறோம். வெறும் 30 கார்கள் மட்டுமே என்ற எண்ணிக்கையில் வெளிவரும் இந்த பிரத்யேகப் பதிப்பு, ஜிபி-யின் உணர்வை வெளிப்படுத்தும் தனித்துவமான வடிவமைப்பு அம்சங்களுடன் மிக நுட்பமாகத் தயாரிக்கப்பட்டுள்ளது. இது சாலையில் செல்லும்போது கம்பீரமான மற்றும் தனித்துவமான தோற்றத்தை வழங்குவது நிச்சயம்” என்றார்.எக்ஸ்-ஷோரூம் விலை: புதிய மினி கூப்பர் எஸ் ஜிபி இன்ஸ்பயர்ட் எடிஷன் – ரூ. INR 58,90,000புதிய மினி கூப்பர் எஸ் ஜிபி இன்ஸ்பயர்ட் எடிஷன்:இதுவரை வெளிவந்ததிலேயே அதிவேகமான மற்றும் சக்திவாய்ந்த மினி காரான ‘மினி ஜிபி’-க்கு பெருமை சேர்க்கும் விதமாக, புதிய மினி கூப்பர் எஸ் ஜிபி இன்ஸ்பயர்ட் எடிஷன் பிரத்யேகமான லெஜண்ட் கிரே வெளிப்புற வண்ணத்தில் வசீகரிக்கிறது. சில்லி ரெட் நிறத்திலான காரின் மேற்கூரை மற்றும் கண்ணாடிகளின் மேற்புறம் ஆகியவை காரின் தீவிரமான பந்தயப் பாரம்பரியத்தை வெளிப்படுத்தும் வகையிலான அட்டகாசமான தோற்றத்தை உறுதி செய்கின்றன. சிவப்பு/சாம்பல் நிறத்திலான ஜிபி இன்ஸ்பயர்ட் பானட் மற்றும் பக்கவாட்டுக் கோடுகள் காரின் வெளிப்புற அழகை மேலும் கூட்டுகின்றன.சி-பில்லரில் உள்ள ஜிபி இன்ஸ்பயர்ட் “1/30” முத்திரை, இந்த காரின் பிரத்யேகத் தன்மை மற்றும் பாரம்பரியத்தை அடையாளப்படுத்தி, இது ஒரு லிமிடெட் எடிஷன் என்பதை எடுத்துக்காட்டுகிறது. JCW ஸ்பாய்லர் எக்ஸ்டென்ஷன் பின்பக்கத்திற்கு கூடுதல் ஸ்டைலை வழங்கி, காரின் ஸ்போர்ட்டி வடிவத்தைக் கச்சிதமாக வெளிப்படுத்துகிறது. JCW முன்புற, பக்கவாட்டு மற்றும் பின்புற விங்லெட்கள் காரின் அடிப்பகுதியைச் சுற்றி ஒரு ஸ்டைலான தோற்றத்தைச் சேர்த்து, அதனை இன்னும் கீழாகவும், அகலமாகவும், மிடுக்காகவும் காட்டுகின்றன. JCW ரியர் டிஃப்பியூசருடன் காரின் பின்பகுதியும் அசல் ஸ்போர்ட்டி தோற்றத்தைக் காட்சிப்படுத்துகிறது. JCW ஸ்பிரிண்ட் ஸ்போக் வடிவமைப்பில் உள்ள 17 அங்குல அலாய் வீல்கள் வாகனத்திற்கு ஒரு சிறப்பான தோற்றத்தை வழங்குவதோடு மட்டுமல்லாமல், பல்வேறு வகையான சாலைகளிலும் சிறந்த செயல்திறனையும் பாதுகாப்பான கையாளுதலையும் உறுதி செய்கின்றன. சில்லி ரெட் வண்ணத்தில் உள்ள ஜிபி இன்ஸ்பயர்ட் வீல் ஹப் கேப்கள், சக்கரங்களுக்குக் கண்கவர் வண்ணத்தைத் தருவதோடு, காரின் மேற்கூரை மற்றும் கண்ணாடிகளுடன் மிகக் கச்சிதமாகப் பொருந்துகின்றன.காரின் உட்புறம் நவீன வடிவமைப்பு மற்றும் சிறப்பான டிஜிட்டல் அம்சங்களுடன், ஓட்டுநரை மையமாகக் கொண்டு வடிவமைக்கப்பட்டுள்ளது. கதவு திறக்கப்படும் ஒவ்வொரு முறையும் வெள்ளியில் ஒளிரும் ஜிபி இன்ஸ்பயர்ட் டோர் சில்ஸ் உங்களை பிரீமியம் தோற்றத்துடன் வரவேற்கின்றன. ஜிபி இன்ஸ்பயர்ட் ‘1/30’ தரை விரிப்புகள் காரின் அரிய பாரம்பரியத்தைத் தொடர்ந்து நினைவூட்டுகின்றன. அதே நேரத்தில் JCW டோர் லாக் பின், கேபினின் ஸ்போர்ட்டியான உணர்வை மேலும் வலுவாகப் பிரதிபலிக்கிறது.புதிய மினி கூப்பர் எஸ் ஜிபி இன்ஸ்பயர்ட் எடிஷன், சமீபத்திய மினி ட்வின்பவர் டர்போ தொழில்நுட்பத்தால் இயங்கும் புதுமையான மற்றும் திறன்மிக்க பெட்ரோல் இன்ஜினைக் கொண்டுள்ளது. இந்த இன்ஜின் 5,000 – 6,500 rpm-ல் 150 kW/204 hp உச்சபட்ச ஆற்றலையும், 1450 – 4500 rpm-ல் 300 Nm அதிகபட்ச டார்க் திறனையும் உருவாக்குகிறது. இந்த கார் 0 முதல் 100 கி.மீ வேகத்தை 6.6 வினாடிகளில் எட்டிவிடும்; மேலும் இதன் அதிகபட்ச வேகம் பிரமிக்க வைக்கும் விதத்தில் மணிக்கு 242 கி.மீ ஆகும்.உங்களுக்கு ஏதேனும் விளக்கங்கள் தேவைப்படுமானால், தயங்காமல் தொடர்பு கொள்ளவும்:பிஎம்டபிள்யூ (BMW) குரூப் இந்தியாரிச்சா சர்மா, தலைவர், ஊடகம் மற்றும் கார்ப்பரேட் விவகாரங்கள்செல்: +91 99100 22148தொலைபேசி: + 91 124 4566600மின்னஞ்சல்: Richa.Sharma@bmw.inரோஹ்னீத் நாயக், தயாரிப்பு மற்றும் தொழில்நுட்பத் தகவல் தொடர்பு, ஊடகம் மற்றும் கார்ப்பரேட் விவகாரங்கள்செல்: +91 98999 65668தொலைபேசி: + 91 124 4566600மின்னஞ்சல்: Rohneet.NR.Naik@bmw.inஇணையதளம்: www.mini.inபேஸ்புக்: https://www.facebook.com/MINI.Indiaஇன்ஸ்டாகிராம்: https://www.instagram.com/miniindia_officialலிங்க்ட்இன்: https://www.linkedin.com/company/mini-india/about/#MINI #MINIIndia #BigLove
