சிம்பு நடிப்பில் கௌதம் வாசுதேவ் மேனன் இயக்கியுள்ள வெந்து தணிந்தது காடு திரைப்படத்தை வேல்ஸ் நிறுவனம் சார்பில் ஐசரி கணேஷ் தயாரித்திருக்கிறார். இந்த திரைப்படம் தமிழ், தெலுங்கு, இந்தி உள்ளிட்ட மொழிகளில் வெளியாகும் என முன்பு அறிவித்திருந்தனர்.
ஆனால் இறுதி நேரத்தில் தமிழ், தெலுங்கு ஆகிய மொழிகளில் மட்டும் வெளியிட திட்டமிட்டனர். அதன்படி வெந்து தணிந்தது காடு திரைப்படத்தின் தமிழ் பதிப்பு நாளை வெளியாகிறது. ஆனால் தெலுங்கு பதிப்பு இன்னும் தயாராகவில்லை. இதன் காரணமாக ஆந்திரா மற்றும் தெலுங்கானாவில் 17-ம் தேதிதான் வெளியாகிறது.
