Skip to content

IndiaStarsNow.Com

indiastarsnow.com

Arthritis-www.indiastarsnow.com

கொடிய வாதங்களுக்கு, பஞ்ச சூத மெழுகு

Posted on September 9, 2019September 9, 2019 By admin No Comments on கொடிய வாதங்களுக்கு, பஞ்ச சூத மெழுகு

கொடிய வாதங்களுக்கு, பஞ்ச சூத மெழுகு :
Arthritis-www.indiastarsnow.com-arthritis in the human knee joint

தீரும் நோய்கள் : பாரிசவாதம், முகவாதம், மூட்டுவாதம் போன்ற எல்லா வகையான வாத நோய்களும் தீரும்.

தேவையான பொருட்கள்

ரசம் ( சுத்தி ) 10 கிராம்
கெந்தகம் ( சுத்தி ) 10 கிராம்
வீரம் ( சுத்தி ) 10 கிராம்
பூரம் ( சுத்தி ) 10 கிராம்
மனோசிலை ( சுத்தி ) 10 கிராம்
சுக்குத் தூள் ( சுத்தி ) 150 கிராம்

செய்முறை :

1லிருந்து 5 வரையுள்ள பாஷாண சரக்குகளை, அதனதன் முறைப்படி தனித்தனியாகச் சுத்தி செய்து கொள்ளவும். சுக்கை மேல்தோல் சீவியெடுத்துக் கொள்ளவும். முதலில் ரசத்தையும், கெந்தகத்தையும் கல்வத்தில் போட்டு, இவை இரண்டும் நன்றாக உறவாகும்படி அரைக்கவும். கருத்திருக்கவும். அதன் பிறகு ஒன்றன்பின் ஒன்றாக மற்ற மூன்றையும் போட்டு சுமார் 3 மணி நேரம் அரைத்துக் கொள்ளவும். ஒரு இரும்புக் கரண்டியை உள்பக்கம் துரு இல்லாமல் வெண்மையாக இருக்கும்படி சுத்தமாக நன்றாகத் தேய்த்துக் கொள்ளவும். முன் கல்வத்தில் அரைத்துள்ள பாஷாண மருந்துகளை கரண்டியில் போட்டு, கரி நெருப்பு அனலில் கரண்டியை வைத்து எரிக்க உருகி கட்டிப் போகும். இதையெடுத்து கல்வத்திலிட்டு அரைக்கவும். இத்துடன் சுக்குத்தூளையும் சேர்த்து, கொஞ்சங் கொஞ்சமாகத் தேன் விட்டு அரைத்துக் கொண்டு வர மெழுகாகும். இந்த மெழுகை வாயகன்ற புட்டியிலிட்டு மூடி, 40 நாட்கள் தானியபுடம் வைத்து எடுக்கவும். மருந்துகளின் அணுக்கள் ஒன்றோடு ஒன்று உறவாகி, மருந்தின் வீரியம் அதிகமாகும். வேகம் செய்யாது. சாந்தமாக வேலை செய்யும்.

உபயோகம் :

இந்த மெழுகில் இரண்டு மிளகளவு எடுத்து, பனைவெல்லத்திற்குள் வைத்து உருட்டி, வாயில் போட்டுக் கொண்டு பசுவின் பால் அருந்தவும். காலை மாலை 5 நாட்கள் சாப்பிட்டு, 5 நாட்கள் மறுபத்தியம் இருக்க மேற்சொன்ன நோய்கள் குணமாகும். மேலும், அவசியம் இருப்பின் 10, 15 நாட்கள் இடையில் விட்டு வைத்து, மறுபடியும் காலை மாலை 5 நாட்கள் சாப்பிடவும்.

பத்தியம் :

புளி, கடுகு, நல்லெண்ணெய், வாயு பதார்த்தங்கள், மாமிச மச்ச வகைகள் கூடாது. நெய், பால், தயிர், மோர் இவைகளையும் பொருத்தமான காய்கறிகளையும் சேர்க்கவும்.
Arthritis-www.indiastarsnow.com-arthritis in the human knee joint

Genaral News, Health News Tags:Arthritis-www.indiastarsnow.com-arthritis in the human knee joint, கொடிய வாதங்களுக்கு, பஞ்ச சூத மெழுகு

Post navigation

Previous Post: விந்து ஸ்தம்பன மாத்திரை
Next Post: முகவாத ஜன்னிக்கும், பக்கவாதத்திற்கும்

Related Posts

மூட்டு வலி தைலம் எளிமையாக வீட்டிலேயே தயாரிக்கலாம் Health News
பத்திரிகையாளராக பிரியா பவானி சங்கர் நடித்திருக்கும் ‘பிளட் மணி’ திரைப்படம் பத்திரிகையாளராக பிரியா பவானி சங்கர் நடித்திருக்கும் ‘பிளட் மணி’ திரைப்படம் Genaral News
ஜி-20 மாநாட்டில் இந்திய பிரதமர் நரேந்திர மோடி Genaral News
Meendum Movie celebrity show நடிகை அபிராமி, பா.இந்திரன், சுதர்சன் சேஷாத்ரி ஆகியோருக்கு கௌரவ டாக்டர் பட்டம் ! Genaral News
Oasis Fertility, Chennai launches AndroLife – An Exclusive Male Fertility Clinic on World IVF Day Oasis Fertility, Chennai launches AndroLife – An Exclusive Male Fertility Clinic on World IVF Day Health News
Campaign to Create Cardiac Awareness Campaign to Create Cardiac Awareness Among Youngsters Launched in the City by Prashanth Hospitals in Partnership with Loyola College Genaral News

Leave a Reply Cancel reply

Your email address will not be published. Required fields are marked *

Copyright © 2023 IndiaStarsNow.Com.

Powered by PressBook Grid Blogs theme