தள்ளிப்போகும் சிவகார்த்திகேயனின் அடுத்த படம்
சிவகார்த்திகேயன் நடித்த ‘மிஸ்டர் லோக்கல்’ திரைப்படம் நேற்று வெளியாகியது. இந்த படம் ரசிகர்களிடையே எதிர்மறையான விமர்சனங்களை பெற்று வருகிறது. இந்த படத்தை தொடர்ந்து சிவகார்த்திகேயன் தற்போது இயக்குநர் ரவிக்குமார் இயக்கத்தில் ஒரு படமும், இயக்குநர் பி.எஸ்.மித்ரன் இயக்கத்தில் ஒரு படத்திலும் நடித்து வருகிறார். இந்நிலையில் ரவிக்குமார் இயக்கத்தில் உருவாகிவரும் ‘எஸ்.கே.14’ படத்தின் படப்பிடிப்பு இறுதிக்கட்டத்தை நெருங்கியுள்ளது. ஆனால் இந்த படத்தின் பின்னணி வேலைகள் அதிகம் இருப்பதால் இந்த படம் அடுத்த ஆண்டு திரைக்கு வரும் என சிவகார்த்திகேயன் அளித்துள்ள பேட்டியில் தெரிவித்துள்ளார்.
